كل لحظة
كل لحظة بتمر على
أنت فى خاطرى وعيني
أنت في فني البعيشو
في المدى في الأبدي
قدر ما حاولت أخاصمك
وأنسى أحزاني وأسايا
واكتم الغيرة في قلبي
وأطوى جرحى في الحنايا
القي أثرك في حواسي
وظلك يتبعني في خطايا
ألقى كل الدنيا حولي
تنادي اسمك معايا
في حياتي قبلك أنت
عشت قصة حب قاسية
لسه ما زالت بقلبي
زكرياتها المره باقية
لما هليت في وجودي
و قلت بيك سعادتي باقية
لكن أنت هدمت أملي
بعد عشره نبيلة سامية
أنا لوعارف خصامك
لي أيامه بتطول
كنت ما اترددت لحظة
لما حار بى الدليل
أنسى ظلمك وأرجى حلمك
وأنسى كل الراح قبيل
أصلو حبك فوق ارادتي
وحبي قام بالمستحيل
لا وحبك
لو خلاص أنكرت حبي في النهاية
لا وحبك لن تكون أبداً نهاية
أنت عارف نظرتك كانت بداية
ما بتغير حبنا السامي وشاية
أنت وحدك يا حبيبي
اخترت قلبي و قلت حابك
كنت تتمنى أصف حسنك
و استجلي شبابك
رحت تغريني بحنانك
ومرة تأسرني بعتابك
كل يوم تزرع حياتي بالأمل
و يهون عذابك
عشت في قمة شعوري
قلت فيك أجمل غنايا
فجأة يتبدل مصيري
ألقى أحلامي في سبايا
لا وحبك يا وحيدي
مستحيل درب النهاية
حبنا اكبر من الدنيا
وأطول من سنينه
فيه من وطني المسالم
كلو طيبة و أغلى زينة
فيه من عاطفتي معنى
الإلفه و العشرة الأمينة
يسعد العشاق مداها
وتفرح الدنيا الحزينة
و برضو يحصل
تنسى عشك في النهاية
ربيع الدنيا
يا ربيع الدنيا …في عيني
يانور قلبي يا معنى الجمال
يا أخت روحي يا أماني هواي
في دنيا ….. الخيال
أنا فيك عشقت الروعة
ما أحلاها في الدل والدلال
والمعاني الراسمة نور
اشراقة في عينيك ظلال
وابتسامتك لما تأسر قلبي
تحكي عن المحال
تحكي عن شوقك إليّ
وتحكي عن بعد الوصال
من قلبي من أجل المحبة
وهبت ليك شعر الغزل
مع إنو قدامي الطريق
انا عارفو يا السمحة انقفل
مافي قسمة ومافي يا نور
قلبي حتى بصيص أمل
ما قدرت أقرب من ضراك
وما قدرت لفراقك أصل
يا حبيبة ليه قلبك قِسا
كتمتي ما تخفيه عني
أنا عشت في حبك مقيم
ما عرفت نكران أو تجني
ما عرفت غير حبك غرام
وسرحت فيه سنين بغني
وهبتو دمعاتي الغوالي
وهبتو قلبي وهبتو فني
كيف لا اعشق جمالك
كيف لا اعشق جمالك
ما رأت عيناي مثالك
و كيف لا اعشق جمالك
كيف لا اعشق جمالك
و أنت مغرى
زنت بي أدبك جمالك
و أنت سحري
فيك أجمل شي خصالك
و أنت بدري
و أبعد الغايات منالك
لو رنيت ترسل نبالك
قلبي لاعب بيهو مالك
ليهو حق لو كان هوانك
بسمتك توحي الأغاني
و أسمى آيات المعاني
في هواك لاقيت هواني
و بيهو راضي
معتلي قلبي و لسان
أنت زى زهر الخميلة
تزدهر في روح جميلة
و عاليه أخلاقك نبيلة
و يخجل البدرين هلالك
أنت رافل في نعيمك
و بس أنال منك جحيمك
قول لي كيف أظفر بليمك
ناري تطفأ
روحي ترفا
في سما العز زى كمالك
أحبك .. بحبك
أحبك .. بحبك .. ما لا نهاية
واغنيك حنيني .. شوقي وهوايا
لأنك حبيبي .. وغاية رجايا
كتير في بعادك دهتني الليالي
أغالب دموعي وأكابد ملالي
طريقي المنور خلاص أضحى خالي
تعال يا حبيبي .. صدودك كفاية
زرعنا المحنة .. رويناها شوقنا
وعايشين نأمل تقوم ترمي فوقنا
نسير في ضراها نسير لي شروقنا
نتوج حياتنا .. بأسعد نهاية
منامي المسهد .. يحل لي عيونك
وشوقي المعذب .. يناشد حنينك
تحكم شعورك .. وترحم سجينك
فؤادي البحبك .. ما لا نهاية
عشرة الأيام
عشرة الأيام ما بصح تنساها
كأنو ما حبيتك وكأنو ما عشناها
وضمانا أحلى غرام
ليه فجأة دون أسباب
من غير عتاب أو لوم
أخترت غيري صحاب
وأصبحت قاسي ظلوم
هان ليك فراقي خلاص
وانا برضي حولك أحوم
كان عهدي بيك ترعاني
وأجمل صلاتنا تدوم
أمل المحبة سلام
بعدك أماني هواي
ياما جنيته عدم
ولا عرفت صديق
لي قلبي غير الهم
كم غيري يشدو سعيد
وأنا في هواك مغرم
ما اظني انا انساك
ومن العذاب اسلم
أسلم من الأوهام
ما كان فراقنا المر
في نيتي أو في إيدي
لكن ظروفك أبت
وقست ظروفي علي
واتلاشت الأحلام
وين حسن ظنك بي
وريني أيه ضراك
لو كا صبرت شوية
عمر السنين أيام